QUANNO STAMMO VICINE

Quanno stammo vicine
'a cchiù piccula cosa
o ce fa troppo male
o troppo bene:
'o certo è ca cuiete,
comme stanno tant'ate
nnamurate,
nuie nun sapimmo sta'...
Ma pecché
Ma chi sa?

Quanno stammo luntane,
e ca proprio st'ammore
ce pare ca vo' fa'
cattiva fine,
nu ricordo, nu suono,
nu mutivo e' canzone
'a passione
fa cchiù ardente scetà...
Ma pecché
Ma chi sa?

O vicine o luntane
è sempe 'a stessa cosa,
e overo nun ce pò
niente e nisciuno!
Cumm'a me tu te struie,
ca so' sempe scuntento...
e so' untento...
Che vo' di'? Che sarrà?
Ma pecché
Ma...chi sa?...
SALVATORE DI GIACOMO